Концерт «Альфия Юлчурина, Олег Ханов»

19 октябрь Х.Әхмәтов исемендәге Башҡорт дәүләт филармонияһы сәхнәһендә тамашасылар һорауы буйынса «Һин бәхетле! Ә мин?» үҙенсәлекле проекты. Башҡортостандың халыҡ артисы Әлфиә Юлсурина һәм Рәсәйҙең атҡаҙанған, Башҡортостандың халыҡ артисы Олег Ханов ҡатнашлығындағы музыкаль роман уҙған миҙгелдә тамашасы хөкөмөнә тәҡдим ителеп, берәүҙе лә битараф ҡалдырманы. «…Мөхәббәт хистәренә сорналған ҡатын-ҡыҙҙың барлыҡ хистәрен, тойғоларын, күңел ғазаптарын, шатлыҡтарын һәм өмөттәрен бер концертта күреп, шул кисерештәрҙе үҙем аша үткәреп, тетрәнеп һәм тағы ла бер тапҡыр йыр менән шиғырға ғашиҡ булып ҡайттым» (Г.Ҡыуатова). «…Олег Ханов и Альфия Юлчурина... Они так удачно сумели показать любовный роман, объединив поэзию с эстрадными номерами. Редко увидишь такие искренние, содержательные представления» (А. Баймөхәмәтов). «…Шиғриәт менән йыр тантанаһы!... Ир менән ҡатын мөнәсәбәте, мөхәббәте тарихы. Ерҙәге барса тереклекте таныта, йәшәү тигән ҡатмарлы фәндең дәрестәрен бирә!» (Л.Абдуллина) Мөхәббәткә тулы проект — «Һин бәхетле! Ә мин?» музыкаль романын һин дә килеп күр! Яратып яратылып моң илендә бергә тирбәләйек! Тамашаның режиссеры Башҡортостандың атҡаҙанған артисы Сулпан Асҡарова, сценарий авторы Динара Ҡәйүмова.